Фазода салкам 2 йил бўлган X-37B Orbital Test Vehicle-4 орбитал синов самолёти махфий вазифани уддалаб бўлгач, Канаверал космодромига қўнди, деб хабар қилмоқда Америка ҲҲКнинг расмий Twitter саҳифаси.
"АҚШ ҲҲКнинг X-37B OTV-4 самолёти орбитадан Кеннеди Фазовий марказига муваффақиятли қўнди. X-37 фазода 700 кундан ортиқ бўлди", — дейилади хабарда.
Аввалроқ, Пентагон маъмурияти X-37B OTV-4 негизида ионли двигател ишлаб чиқариш ва материалларнинг фазо кенгликларида ўзгариши борасида тадқиқотлар ўтказиш режалаштирилгани ҳақида маълум қилган эди.
Шу билан бирга, Американинг мини шаттли вазифалари тўлиқ баён қилинмаган. Экспертларга кўра, қурилма фазовий тутувчи самолёт ёки айғоқчи-самолёт намунаси бўлиши мумкинлигини айтишмоқда. Ерга қайтган OTV-4 Х-37 лойиҳаси асосида ишлаб чиқилган 4-орбитал лаборатория бўлди.
