«Реал» футболчилари матбуот анжумани вақтида Зиданга «ҳужум қилишди»

Мадриднинг «Реал» клуби бош мураббийи Зинедин Зидан Испания чемпионлигини қўлга киритганидан сўнг илк матбуот анжуманига ташриф буюрганида футболчилар у ўтирган жойга бостириб киришди.

«Реал» футболчилари Альваро Мората, Марсело, Данило, Карлос Каземиро ва Лукас Васкес Зидан ўтирган ўриндиққа ғалаба шампанларини пуркаб у билан бирга ғалабани нишонлаб, зални тарк этишган.

Эслатиб ўтамиз, «Реал» 38-турда «Малага»ни 2:0 ҳисобида мағлубиятга учратиб, очколари сонини 93тага етказган ва беш йиллик танаффусдан сўнг чемпионликни қўлга киритганди.