Нетаньяху: Исроил ва АҚШ биргаликда Эронни тўхтата олади

Фото: Исроил ҳукумати матбуот хизмати

Исроил ва АҚШ биргаликда Эроннинг Яқин Шарқдаги экспансиясини тўхтатишга ва унга ядровий қуролга эга бўлишга ижозат бермасликка қодир. Бу ҳақда Исроил бош вазири Биньямин Нетаньяху АҚШ президенти Дональд Трамп билан учрашувдан кейин айтди.

Унинг айтишича, Исроилда Нетаньяху ва Трамп томондан танқид қилинадиган Эрон ядровий дастури бўйича битим тузилган Барак Обама вақтига нисбатан АҚШнинг амалдаги раҳбарияти ёндашуви ўзгаргани юқори баҳоланади.

"Мен аминманки, биз биргаликда Эроннинг бу минтақадаги тажовуз ва террор маршини тўхтата оламиз ҳамда Эроннинг ядровий қуролга эга давлатга айланиши бўйича режаларини барбод қила оламиз", деб айтди Нетаньяху.