Мўғулистонда президентлик сайловлари бўлиб ўтмоқда

26 июнда Мўғулистонда президентлик сайловлари муносабати билан овоз бериш участкалари очилди. 

Маълум қилинишича, маҳаллий вақт билан соат 07:00да бутун мамлакат бўйлаб 1983 та сайлов участкаси очилди. Уларда 1,978 млн киши овоз бера олиши мумкин. 

Овоз бериш соат 22:00да якунланади.

Президент лавозими учун Мўғулистон халқ партиясидан Миеэгомбин Энхболд, Демократик партиядан Халтмаагийн Баттулг ва Мўғулистон халқ-инқилоб партиясидан Сайнхуугийн Ганбаатар кураш олиб борадилар.

Агар номзодлардан бирортаси 50 фоиздан кўпроқ овоз тўплай олмаса, сайловларнинг 2-босқичи бўлиб ўтади.