НАТО Украинага ёрдам беришни ваъда қилди

НАТО Украинага ҳарбий институтларни қайта ташкил этишда кўмак кўрсатади. Бу ҳақда альянс бош котиби ўринбосари Роуз Гетемюллер хавфсизлик бўйича ҳар йилги анжуманда маълум қилди.

«НАТО Украинага бундан кейин ҳам мудофаа бўйича институтларни қайта ташкил этишда кўмак кўрсатиб боради, бу у ўзини самарали ҳимоя қилишда қўл келади», - дея унинг сўзларини келтиради РИА Новости.

Гетемюллернинг таъкидлашича, Украина шарқидаги ҳозирги вазият «жуда катта хавотирга сабаб бўлмоқда».

Эслатиб ўтамиз, НАТО бош котиби Йенс Столтенберг ва альянс делегацияси Украинага 9-10 июль кунлари ташриф билан боришни режалаштирмоқда.