Лондонда автомобиль ўсмирлар устига ҳайдалди

Буюк Британия пойтахти Лондон шаҳри жанубида Audi A3 русумли автомобил катта тезликда ўсмирлар гуруҳи устига юриб борди. Бу ҳақда BBC News хабар тарқатди.

Маълум қилинишича, бу ҳужум оқибатида 16 ёшли қиз вафот этган, яна 6 киши жароҳатланиб, шифохонага олиб борилган.

Полиция маълумотига кўра, автомобил ҳайдовчиси воқеа жойидан қочиб кетган, аммо у ҳодиса вақтида бошидан жароҳат олгани учун, тиббий ёрдам сўраб, мурожаат қилиши мумкин.

Ҳозирча у ўсмирлар устига машинасини қасддан ҳайдагани аниқ эмас.