Қатар Халқаро денгиз ташкилотига мурожаат қилди

Фото: Reuters

Қатар Халқаро денгиз ташкилотига (IMO) расмий Доҳага қатор чекловлар ўрнатган араб давлатлари устидан шикоят қилди. Бу ҳақда QNA ахборот агентлиги хабар тарқатди.

Қатар Транспорт ва алоқалар вазири Жасим ас-Сулатий IMO бош котиби Китаку Лимага араб давлатлари Қатарнинг денгиздаги хавфсизлигига риоя этмаётгани юзасидан билдиришнома йўллаган.

5 июнь куни Саудия Арабистони, БАА, Баҳрайн, Миср, Яман, Ливиянинг муваққат ҳукумати, Мальдив Республикаси ва Маврикий Республикаси Қатар билан дипломатик алоқаларни узганини маълум қилди. Бу давлатлар расмий Доҳани терроризмни қўллаб-қувватлаш ва араб давлатларининг ички ишларига аралашишда айблади.

Кейинроқ бу давлатлар қаторига Мавритания ва Комор ороллари қўшилди, Иордания ва Жибути эса бу мамлакат билан дипломатик муносабатлар даражасини пасайтирди.

Саудия Арабистони, БАА, Миср ва Баҳрайн Қатарга 13та талабдан иборат рўйхатни йўллади ва бу талаблар 10 кун ичида бажарилса, санкциялар бекор қилиниши билдирилди. Кейинроқ бу муддат яна 2 кунга узайтирилган.

#Қатар #Халқаро денгиз ташкилоти

Форс кўрфазида жиддий сиёсий инқироз юзага келди. Саудия Арабистони, Миср, Баҳрайн, БАА, Яман, Ливия ва Мальдив бошқа бир араб давлати Қатар билан дипломатик алоқаларни узди. Бунга Қатар Эронни ва терроризмни қўллагани сабаб сифатида кўрсатилмоқда.