Лондонда исломофобияга асосланган жиноятларга қарши норозилик акцияси бўлиб ўтди. "Анадолу" агентлиги шу ҳақида хабар берди.
Акция иштирокчилари ирқчиликка қарши чиқиб, ультраўнг кучлар хатти-ҳаракатларидан жабрланганларни, шу жумладан июнь ойида Лондон кўчаларида кислота сачратилган 37 ёшли Жамил Мухтор ва 21 ёшли Решам Хонни қўллаб-қувватлашди.
Акция ташкилотчиларидан бири Роб Фергюсоннинг айтишича, Мухтор ва Хонга қилинган ҳужум исломофобияга асосланган.
Унинг сўзларига кўра, полиция бундай турдаги жиноятларни ўрганишга у қадар хафсала билан ёндашмайди, бу эса нотўғри.
21 июнь куни Буюк Британия фуқароси Жон Томлин Жамил Мухтор ва Решам Хонларга қарата кислота сачратган. Улар жиддий жароҳат олиб, шифохонага ётқизилган.