Греция ва Туркияда кучли зилзиладан сўнг юзлаб кишилар жароҳат олди

Туркия Бодрум. Фото: superhaber.tv

Грециянинг Кос оролида Туркия ҳамда Греция қирғоқларида рўй берган кучли зилзила оқибатида 120 киши жабрланди. Бу ҳақда Associated Press хабар бермоқда.

Таъкидланишича, ер силкиниши туфайли бир неча бинолар ва оролнинг бош порти зарар кўрган.

Шу билан бирга, Туркиянинг Бодрумида тахминан 70 киши зилзила натижасида жароҳат олган ва тиббий ёрдам сўраб мурожаат қилган. Бу ҳақда NTV хабар қилмоқда.

Аввалроқ Грецияда кучли зилзила сабаб бир неча киши ҳалок бўлгани хабар берилганди.