Россия премьер-лигасининг 2-тури доирасида «Амкар»га қарши ўйинда «Анжи»нинг 3 нафар футболчиси жароҳат олди. Улар орасида Ўзбекистон терма жамоаси аъзоси Вадим Афонин ҳам бор. Бу ҳақда махачқалъаликлар расмий сайтида хабар берилган.
«Вадим Афонин тўпиғидан жароҳатланган. Унинг сафга қайтиши учун 7-10 кун керак бўлади», — дейилган хабарда.
Ушбу жароҳат туфайли Афонин 30 июль куни РФПЛнинг 3-тури доирасида «Локомотив»га қарши кечадиган ўйинда иштирок эта олмайди.
