Аҳамият берадиган бўлсак, бу йилги абитуриентларнинг асосий қисми алданганлигидан шикоят қилмоқда. Хўш, уларни ким алдади?
Абитуриент, Жаҳонгир Абдукомилов, бу мавзуга ойдинлик киритади.
- Аввало, ўзимнинг алданганлигим тўғрисида айтиб ўтай. Мен MERIT EDUCATION ўқув марказида инглиз тили дарсларига ёзилган эдим. Улар мени алдашди. Мен эндигина дарсларга ёзилганимда, улар менга дарслар ҳафтада 3 марта, 1,5 соатдан бўлади, - дейишган эди. Бошқа ўқув марказлари сингари дарсларга ҳафтада уч марта қатнашиб уй вазифаларимни қилиб юрсам инглиз тилини пухта ўрганаман, деб юрган эдим. Лекин ундай бўлиб чиқмади. Дарслар 2 соатгача чўзилиб кетади. Дарс йўқ кунлари ҳам қўшимча дарслар белгилана бошланди. Бўш қолиб кетсам, ўқитувчи қўлимга китоб бериб, “Ўқиб ўтир”, дейди. Дўстларим билан гаплашиб ўтирсам, қўлимизга тест бериб, ишлаб топширишимизни айтишади. Дарсларга касал бўлиб боролмай қолсам, телефон қилиб ҳол – аҳвол сўраб, уйга вазифа бериб, қўшимча бепул дарсга келишимни таклиф қилишади.
Ҳаттоки, якшанба кунлари, “Энди, дам оламан”, деганимда, ё тестга, ё бўлмасам Speaking club’га чақириб қолишади. Август – сентябрь ойларига келиб, “Энди, ўқиш осонлашади, озгина бўлса ҳам енгилроқ ўқиймиз”, десам, 2017 йил 11 августда Вазирлар Маҳкамасининг “Таълим муассасаларида чет тилларини ўқитишининг сифатини янада такомиллаштириш чора–тадбирлари тўғрисида”ги 610-сон қарори қабул қилиниб турибди.
Ушбу қарорга мувофиқ инглиз тилидан В2 ва ундан юқори малака сертификатига эга бўлган абитуриентларга ОТМ бакалавриатига киришда тест синовларида чет тили бўйича максимал балл бериш ва чет тили фанидан тест синовидан озод этилиши маълум қилинган.
Бу қарордан сўнг, MERIT EDUCATION ходимлари мени ва бошқа абитуриентларни янада босим билан жадаллаштирилган тартибда ўқишга ундай бошлашди. Бундан ташқари, 2017/2018 йилда JIDU ва TXVUга ҳужжат топширишимни эшитиб, янги очиладиган математика, она-тили ва адабиёт блоклари учун курсларга ҳам ёзиб қўйишди. Хуллас, мен бунақасини кутмаган эдим. Атрофим алдовлар билан тўлиб кетди. Ҳаммаси айтилганидан бошқача бўлиб чиқди. Албатта, ижобий тарафга.
Ушбу 2017 йилда бўлиб ўтган кириш имтиҳонларидаги абитуриентларни ким алдади, деган саволга шундай жавоб беришим мумкин. Мен MERIT EDUCATION томонидан алдандим.
Абитуриентлар ўзларини – ўзлари алдашди. Кўпгина абитуриент дўстларимга “Ўқув марказига бор, ўқи, ўрган, талаба бўл”, деб таъкидладим. Лекин, улар бошқа айрим (ўзим гувоҳи бўлган) абитуриентлар каби “Эй, нима қиламан ўқув марказига бориб, ўзимнинг билимим етади. Кира оламан!!! Ўзим тайёрланаман”, дейишди. Ваҳоланки, мутахассис ёрдами кераклигига, умуман, ўқитувчи ўқувчига йўналиш, маслаҳат ва туртки бериб туришига дўстларимнинг ишонгилари келмади. “Ўқитувчисиз ўзим тайёрлана оламан” деб ўзларини ўзлари алдаб қўйишди.
