Ўт ичида: Талл-Афар иккинчи Мўсулга айланиши мумкин

Фото: rt.com

Ироқ ҳукумати қўшинлари мамлакатнинг Мўсул шаҳридан 50 км ғарбда жойлашган Талл Афар шаҳридаги ИШИД жангариларини қуршаб олганини эълон қилди. У ерда шиддатли жанглар давом этмоқда, Талл-Афарда 2 мингга яқин жангари мавжуд. Бундан ташқари 10 минг атрофида тинч аҳоли вакиллари ҳам бор, деб хабар қилмоқда RT.

Аҳоли вакиллари жанглардан қочишга мажбур бўлишмоқда. Бироқ шаҳардан бош олиб чиқиб кетиш ҳам кишига енгиллик тақдим этаётгани йўқ. Қочоқлар учун лагерларда ичимлик суви ва озиқ-овқат етишмайди.

Бундан ташқари, қочқинларга жиддий шубҳа билан қарашади. Чунки, блок-постлардаги аскарлар уларга тинч фуқаро яқинлашаяптими ёки ИШИД жангариси, ёхуд худкуш террорчи келаяптими, аниқ билмайди.