«Барселона» яна трансферлар ваъда қилмоқда

«Барселона» спорт директори Роберт Фернандес клубнинг ёзги трансферлар даричаси ёпилгунига қадар режалари ҳақида гапирди.

«Биз ой охирига қадар яна бир янги футболчини тақдим этишга умид қиламиз. Менимча, яна бир ёки икки футболчи билан шартнома имзолашимиз мумкин. Мен номларни айтмайман, аммо клуб янги футболчиларни жалб этиш устида ишламоқда», – деган Фернандес.

28 август куни Усмон Дембеле​ расман каталонияликлар клуби футболчиси сифатида таништирилди.

Охирги хабарларга кўра, «Барселона» «Ливерпуль»дан Филиппе Коутиньони, «ПСЖ»дан Анхель Ди Марияни трансфер қилиш бўйича музокаралар олиб бормоқда.