Қирғизистонга мигрантлар томонидан йил бошидан бери қанча маблағ ўтказилгани маълум 

Июль ойи якунларига кўра, мигрантлар Қирғизистонга 1,3 миллиард доллар маблағни ўтказишди. Бундай маълумотлар мамлакат Миллий банки томонидан келтирилди.

Таъкидланишича, июлда пул ўтказмаларининг соф оқими 228,8 миллион долларлик суммани ташкил этган. Бир ойда ўтказмалар ҳажми 10 миллион долларга камайди. Шу билан бирга, ўтказмаларнинг асосий қисми Россиядан – 225,1 миллион доллар. Бу давлатдан етти ой ичида 1 миллиард 294,8 миллион доллар ўтказилган.

Қирғизистондан бошқа мамлакатларга йил бошидан бери 229,2 миллион долларлик пул ўтказмалари юборилган. Июлда бу рақам 37,3 миллион долларни ташкил этди. Шу тариқа, Қирғизистонга соф ўтказмалар оқими июлда 191,5 миллион долларга, йил бошидан бери эса – 1 миллиард 90 миллион долларга тенг бўлган.