АҚШ ва Хитой ўртасида савдо уруши юз берадими?

Фото: AP

Оқ уйнинг стратегик масалалар бўйича собиқ маслаҳатчиси Стив Бэнноннинг South China Morning Post газетасига берган интервьюсида маълум қилишича, АҚШ ва Хитой ўртасидаги савдо урушига йўл қўймасликнинг иложи бор.

«Менинг фикримча, биз ҳар икки давлатга зиён келтирувчи савдо урушини четлаб ўтишимиз мумкин. Биз қандайдир йўл билан келишиб олишимиз даркор», - деди Ҳонконгдаги инвестицион форумга ташриф буюрган Бэннон.

Унинг таъкидлашича, АҚШ Хитой томонидан интеллектуал ҳуқуқларнинг эҳтимолий бузилиши иши бўйича тергов натижаларини Қўшма Штатлар президенти Дональд Трамп Пекинга ташриф буюришидан аввал эълон қилади. Ташриф эса ноябрь ойига режалаштирилган.

Аввалроқ Трамп куз охирига қадар Хитойга ташриф буюриши хабар берилганди.