Ўзбекистон Жаҳон фуқаролик индексида 116-ўринда

Швейцариянинг Henley & Partners компанияси ҳар йили  Жаҳон фуқаролик индексини тақдим этади. Навбатдаги рейтингда Ўзбекистон 26,8 фоиз билан 116-ўринни эгаллади. Компания сайтида шу ҳақида маълум қилинди. 

Рейтингни тузишда мамлакат иқтисодиёти, инсонийлик салоҳиятининг ривожланиш даражаси, жамоатчилик тартиби ва барқарорлик, қисқа муддатли визасиз сафарларни амалга ошириш ва хорижда визасиз яшаш имкони ва бошқа кўрсаткичлар инобатга олинади. 

Рейтингга кўра, Германия бу борада етакчиликни қўлга киритди - у 2017 йилда 82,7 фоиз йиғишга муваффақ бўлди. 

Таъкидлаш жоизки, рейтингнинг юқори қисмини Европа мамлакатлари банд қилган. АҚШ 29-ўринда 68,8 фоиз кўрсаткич билан қайд этилган.

Қозоғистон 85-ўрин, Озарбойжон - 107-ўрин, Қирғизистон 110-ўринда, Тожикистон 121-ўринда қайд этилган. 

Рўйхатни Жанубий Африка республикаси (ЖАР) ва Афғонистон якунлайди.