Адҳам Икромов: Ўзбекистонда йирик халқаро бизнес-форумига тайёргарлик кўрилмоқда

Шу йилнинг ноябрь ойида Тошкентда туркиялик тадбиркорлар иштирокида ўзбек-турк бизнес-форуми ташкил этилади. Унда 100 га яқин туркиялик тадбиркорлар иштирок этиши кутилмоқда. ХПКнинг навбатдаги мажлисида иштирок этган Ўзбекистон Савдо-саноат палатаси раиси Адҳам Икромовнинг қайд этишича, шу кунларда Ўзбек-Россия, Ўзбекистон-Татаристон бизнес-форумлари ташкил этилган. 

“Буларнинг бари республикада, кейинчалик, Давос форуми каби турли йирик анжуманларни ўтказишдан аввалги тайёргарлик ҳисобланади. Хусусан, 2018 йил бошида Самарқандда йирик халқаро бизнес-форум ўтказиш режалаштирилган”, - дея ойдинлик киритди ССП раиси. 

У турли мамлакатлар бизнес олами вакиллари билан ўзаро алоқаларни ривожлантириш, ҳамкорликни ривожлантириш борасида замонавий ахборот технологияларидан ҳам фойдаланилаётганини айтиб, видеоконференц алоқа воситалари ёрдамида форумлар ташкил этилаётганини билдирди.