АҚШнинг Россиядаги янги элчиси номзоди тасдиқланди

Фото: Globallookpress

АҚШ сенати 28 сентябрда ўтган овоз беришда Юта штатининг собиқ губернатори Жон Хантсманни АҚШнинг Россиядаги элчиси лавозимига бир овоздан тасдиқлади.

Сенатнинг хабар қилишича, овоз бериш йиғилиш охирида соддалаштирилган тартибда бўлиб ўтган.

"Бу лавозим билим ва тажрибани талаб қилади ва мен Жон бу иш учун энг яхши номзод эканига шубҳаланмайман", деб айтган Юта штатидан сенатор Оррин Хэтч.

Хантсманнинг номзоди ушбу лавозимга АҚШ президенти Дональд Трамп томонидан билдирилган.

АҚШнинг эндиликда собиқ элчиси Жон Теффт Москвани 28 сентябрда тарк этди ва пенсияга кетишини маълум қилди.