Обама Аргентинага ташриф буюради

Фото: AFP

АҚШнинг собиқ президенти Барак Обама (2009-2017 йиллар) Аргентина раҳбари Маурисио Макри томонидан 5 октябрь, пайшанба куни Буэнос-Айрес вилоятида бўлиб ўтадиган икки томонлама учрашувда қабул қилинади.

«Макри Обамани шу пайшанба куни «Оливос» қароргоҳида қабул қилади», - дея хабар берган РИА Новости Аргентина ТИВдаги манбаларга асосан.

Эртаси куни, 6 октябрда Обама Кордоба вилоятига бориб, губернатор Хуан Скиаретти билан учрашишни режалаштирмоқда. Бундан ташқари, АҚШнинг собиқ президенти 5-6 октябрь кунлари Кордоба шаҳрида бўлиб ўтадиган «Яшил иқтисодиёт» форумида иштирок этади.

2016 йилнинг март ойида Обама сўнгги 19 йил ичида Аргентинага расмий ташриф билан борган Қўшма Штатларнинг биринчи президенти бўлди.