Туркиялик шифокорлар Термизда жарроҳлик амалиётини ўтказишди

Фото: Сурхондарё вилояти ҳокими Facebook-саҳифаси

Туркиянинг 18 нафар малакали шифокори ва соха мутахассислари Термиз шаҳридаги "Сурхондарё вилояти болалар кўп тармоқли тиббиёт маркази"га келиб, оғиз ва лабида туғма нуқсони бор болаларни даволаш мақсадида, 140та жарроҳлик амалиёти ўтказишди.

Бу ҳақда Сурхондарё вилояти ҳокими Эркинжон Турдимов Facebook-саҳифасида хабар бермоқда.

Шунингдек, турк шифокорлари иштирокида 494та амбулатория тиббий кўриклари ҳам ташкил этилди.

Мазкур тадбир Туркия ҳамкорлик ва мувофиқлаштириш агентлиги (ТИКА) кўмагида амалга оширилди.

Аввалроқ, Туркия ҳамкорлик ва мувофиқлаштириш агентлиги (ТИКА) томонидан Ўзбекистонга Mercedes-Benz русумидаги 10та мобил клиника тақдим этилганди.

#Туркия #Сурхондарё

Kun.uz янгиликларини Google News'да кузатинг

+ Обуна бўлиш