Трамп ғалати учрашув ҳақида сўзлаб берди

Фото: Reuters

Америка Қўшма Штатлари президенти Дональд Трамп ўзи давлат раҳбари саналувчи Виргин ороллари «президенти» билан учрашув ўтказганини хабар берди, дея маълум қилмоқда CNN телеканали.

«Мен сизга шуни айтишим мумкинки, Техасдан, Флоридадан, Луизианадан жўнаб кетиб, Пуэрто-Рикога йўл олдим, ҳамда мен Виргин ороллари президенти билан учрашдим», - дея маълум қилди Трамп Вашингтондаги Values Voter Summit анжуманида.

Унинг сўзларига кўра, Виргин ороллари аҳолиси ва уларнинг президенти - «ақл бовар қилмайдиган одамлардир».

Маълумот учун, Виргин ороллари АҚШ ҳукумати назоратида бўлиб, уларнинг раҳбари губернатор Кеннет Мэппа саналади.