Макгрегор Мейвезерни MMA қоидалари бўйича жангга чорлади

Фото: Global Look Press

UFC’нинг 70 кг.гача бўлган вазн тоифасидаги чемпиони ирландиялик Конор Макгрегор америкалик боксчиси Флойд Мейвезер билан MMA қоидалари бўйича жанг ўтказиш ниятида эканини маълум қилди.

«Аввалига Мейвезер ММА’даги навбатдаги жанг ҳақида гапирди. Мен бу боксчини шу ерга судраб олиб келмоқчиман. Мен унинг дунёсига кирдим ҳамда ўз мухлисларим учун шоу ташкиллаштириб бердим, улар эса жасурлик ҳақида гапиришмоқда. Энди Флойд менинг оламимга кирсин», - дея Макгрегорнинг сўзларини келтиради BoxingScene.

Эслатиб ўтамиз, 2017 йилнинг 26 август куни Лас-Вегасда Макгрегор Мейвезер билан бокс қоидалари бўйича жанг ўтказди. Беллашувда америкалик ғолибга айланди, у ўз рақибини ўнинчи раундда нокаутга учратди.