Пучдемон чақириқ билан чиқди

Фото: Reuters

Каталония собиқ раҳбари Карлес Пучдемон ЕИни Испания ҳукуматига босим ўтказишга чақирди. Бу ҳақда у Le Soir нашрига берган интервьюсида айтиб ўтган.

Пучдемоннинг фикрига кўра, Мадрид демократик нормалардан четлашмоқда ҳамда Евроиттифоқ демократик ҳуқуқлари хартиясига риоя этаётгани йўқ.

«Мен шуни кутмоқдаманки, Европа Польша ҳамда Венгрияга нисбатан қилган нарсани бажаради. Агарда демократияга қарши суиистеъмол ҳолати мавжуд бўлса, бу ички иш эмас. Шу кўзга ташланмоқдаки, Испания давлати фундаментал ҳуқуқлар хартиясига риоя этмаган», - дея сиёсатчининг сўзларини келтиради РИА «Новости».

Аввалроқ Испания Каталония инқирозида «россиялик ҳакерларни» айблагани хабар қилинганди.

#Каталония #Карлес Пучдемон

Испаниянинг шимолий-шарқий ҳудудида, Каталония автономиясида, истиқомат қилувчи аҳоли 1 октябрь каталонларнинг мустақиллик масаласини ҳал этиш учун кўчага чиқди. Расмий Мадрид ушбу ҳаракатни йўққа чиқариш мақсадида маҳаллий полиция кучидан фойдаланмоқда.