Европа Лигасининг гуруҳ босқичи 5-турида «Ницца» «Зюлте-Варегем»ни 3:1 ҳисобида енгди ва плей-офф йўлланмасини ҳал қилди. Французлар жамоаси сафида Марио Балотелли дубль қайд этди, яна бир гол Адриен Тамез номига ёзилди.
Италиянинг «Лацио» клуби аввалги турдаёқ K гуруҳидан чиқиш масаласини ҳал қилганди, «Витесс»га қарши 5-тур учрашувида дуранг ҳисоб қайд этилди — 1:1.
Эндиликда K гуруҳидаги вазият шундай кўриниш олган: 1. «Лацио» — 13 очко; 2. «Ницца» — 9; 3. «Зюлте-Варегем» — 4; 4. «Витесс» — 2.
G гуруҳида Чехиянинг «Виктория Пльзень» клуби руминларнинг «Стяуа»сини 2:0 ҳисобида мағлуб этди ва гуруҳдаги биринчи ўринни нақд қилди.
Гуруҳнинг иккинчи учрашувида Швейцариянинг «Лугано» клуби Исроилнинг «Хапоэль» Б-Ш клуби устидан кичик ғалабага эришди.
Шу тариқа, «Стяуа» ортидан «Виктория Пльзень» ҳам плей-офф йўлланмасини қўлга киритди.
G гуруҳида 5-турдан кейинги вазият: 1. «Стяуа» — 10 очко; 2. «Виктория Пльзень» — 9; 3. «Лугано» — 6; 4. «Хапоэль» Б-Ш — 4.
«Арсенал», «Лацио», «Стяуа» «Динамо» Киев ва «Зенит» клублари 4-турдан кейиноқ плей-оффни ҳал қилиб бўлишганди. 23 ноябрь оқшомида ўтказилган 5-тур ўйинлари якунларига кўра, «Партизан», «Милан», «Лион», «Брага»,«Аталанта», «Вильярреал», «Ницца», «Ред Булл», «Виктория», «Зальцбург» ва «Эстерсунд» клублари ҳам кейинги босқичга чиқишди.
Европа Лигаси
Гуруҳ босқичи
5-тур
Ницца – Зюлте-Варегем 3:1 (2:0, 1:1)
Голлар: 1:0 – 5, пенальти Балотелли, 2:0 – 31 Балотелли, 2:1 – 81 Хамалайнен, 3:1 – 86 Тамез.
Ницца – Бенитес, Бюрне (Лусамба, 78), Данте, Жалле, Ле Маршан, Ле-Мелу, Сери (Тамез, 74), Козьелло, Суке, Плеа, Балотелли (Марлон, 85).
Зюлте-Варегем – Бостин, Хамалайнен, Бодри, де Фо, Уэлш, Думбия (Шапоньич, 79), Копман, де По (Кордаро, 78), Элен, Лейя-Исека, Кастанос (Де Сарт, 46).
Лацио – Витесс 1:1 (1:1, 0:0)
