Apple ҳамёнбоп iPad ишлаб чиқаради

Apple компанияси 2018 йилда 9,7 дюймли дисплейга эга, унча қиммат бўлмаган iPad'ни ишлаб чиқаради. DigiTimes шу ҳақида хабар берди. 

Инсайдерларнинг маълум қилишича, компания планшетлар сотув суръатини қўллаб туришни режалаштирмоқда. Ҳозирга келиб, купертиноликлар бир чоракда 10 миллион планшет сотишмоқда. Бироқ планшетлар бозори шундай қурилганки, истеъмолчилар уларни смартфонлардан камроқ ўзгартиришади. Шу билан бирга, Apple компанияси Samsung, Amazon, Huawei ва Lenovo томонидан жиддий рақобатни ҳис қилмоқда. 

Ҳамёнбоп iPad'ни ишлаб чиқариш ривожланаётган бозорларда муваффақият келтириши мумкин - масалан, Ҳиндистон ё Хитойда. Шунингдек, америкаликлар ўз девайсларини корпоратив сектор бўйича таклиф қилишмоқчи. 

Қурилма тақдимоти келгуси йилнинг иккинчи ярмида бўлиб ўтиши кутилмоқда. Тақдимотнинг  WWDC-2018 ишлаб чиқарувчиларининг июнь ойидаги конференциясида рўй бериши эҳтимолдан холи эмас.