Эрон олий етакчиси яна “Ҳитлер” деб аталди

Исроил бош вазири Биньямин Нетаньяху Теҳронда ядровий қурол пайдо бўлиши мумкинлиги ҳақидаги саволга изоҳ бериб, Эроннинг олий етакчиси оятуллоҳ Али Ҳаманаийни “Яқин Шарқнинг янги Ҳитлери” эканлигини айтган. 

“Биз Эрон тузумига ядровий қуролга эга бўлишига йўл қўймаймиз. Биз унга Сурияда ҳарбий борада жойлашишга ижозат бермаймиз”, деб айтган Нетаньяху.

У оятуллоҳни “Ҳитлер” дегани билан, Эрон ва фашист Германия ўртасида бир қатор муҳим фарқлар борлигини тан олган.

Аввалроқ Саудия Арабистони валиаҳд шаҳзодаси Муҳаммад бин Салмон Ҳаманаийни “Яқин Шарқнинг янги Ҳитлери” деб атаганди. Бунга жавобан Эрон ташқи ишлар вазирлиги вакили Барҳом Қосимий Саудия шаҳзодасини “ёш болаликда” айблаган.