Европадаги энг кекса инсон вафот этди

Барселонада Европадаги энг ёши катта инсон – 116 ёшли Ана Вела ҳаётдан кўз юмди. Бу ҳақда La Vanguardia хабар бермоқда.

Таъкидланишича, аёл ўз уйида вафот этган.

Вела ўз ҳаёти давомида тўрт нафар фарзандини бир ўзи вояга етказган бўлиб, Малагада озиқ-овқат дўконини ҳам очган, шунингдек кийим тикувчи бўлиб ишлаган.

У 1901 йилнинг октябрь ойида Кордова вилоятидаги Пуэнте-Хениль шаҳрида таваллуд топган.