Россия Қримда ядровий иншоотларни эгаллаб олди – Украина 

Россия Федерацияси босиб олинган Қримда ва истило этилган Донбассда реактор ҳамда иккита ядровий иншоотни эгаллаб олди. Бу ҳақда Украина ташқи ишлар вазири Павел Климкин БМТ Хавфсизлик кенгашининг Шимолий Корея бўйича вазирлар даражасидаги йиғилишида қилган чиқишида айтиб ўтди, деб ёзмоқда Украинанинг БМТдаги доимий ваколатхонаси.

"Қримнинг ноқонуний эгаллаб олиниши ва Донбассдаги рус тажовузкорлиги Севастополда тўйинтирилган ураннинг паст даражасига эга тадқиқот реактори, иккита ядровий иншоот ҳамда 1200 дан ортиқ радионуклидли манбаларни Украина миллий идорасининг тегишли назоратисиз қолдирди", - дея айтиб ўтган Климкин.

Унинг қўшимча қилишича, “Украина ҳудудининг ядро қуролига эга давлат томонидан эгаллаб олиниши ядро қуролининг географик зонаси кенгайишига олиб келди”.

Эслатиб ўтамиз, аввалроқ Украина собиқ бош вазири Арсений Яценюк Қримнинг Россия томонидан босиб олиниши собиқ президент Виктор Янукович ва Россия президенти Владимир Путиннинг фитнаси оқибати эканини маълум қилганди.