Энг бой америкалик машҳурларнинг 2017 йилги рейтинги тузилди

Forbes журнали 2017 йилнинг энг бой америкалик машҳур кишиси сифатида “Юлдузлар жанглари” фантастик фильмининг режиссёри Жорж Лукасни эътироф этди. Лукаснинг бойлиги 5,5 млрд долларга баҳоланмоқда. 

Рейтингнинг 2-поғонасини яна бир машҳур режиссёр Стивен Спилберг 3,6 млрд доллар билан эгаллади. Телебошловчи Опра Уинфрининг бойлиги 2,8 млрд долларга баҳоланди ва у 3-поғонани эгаллади. 

Етакчи ўнталикдан, шунингдек, собиқ баскетболчи Майкл Жордан (1,4 млрд доллар), иллюзионист Дэвид Копперфильд (875 млн доллар), рэп ижрочилар Дидди (820 млн доллар) ва Жей-Зи (810 млн доллар), гольфчи Тайгер Вудс (750 млн доллар), яна бир рэп ижрочи Доктор Дре (740 млн доллар) ва ёзувчи Жеймс Паттерсон 730 млн доллар билан жой олган.

Forbes бу рейтингни тузишда юлдузларнинг маблағи, уларга тегишли компаниялар ва кўчмас мулкнинг қийматларини ҳисобга олади. Жорий йилда рейтинг етакчи ўнталигининг жами бойлиги 18 млрд долларни ташкил қилди, бу эса ўтган йилгидан 7,8 фоизга кўпроқдир.