Алишер Усмоновнинг хайрия жамғармаси Россиядаги "МИСиС" Миллий тадқиқот технологиялар университети эндаумент-жамғармасини 100 млн рублга тўлдиради. Бу ҳақда олий таълим муассасаси матбуот хизмати хабар берган.
"Россиялик тадбиркор ва фан ҳамда санъатга ҳомийлик қилувчи Алишер Усмоновнинг “Санъат, илм-фан ва спорт” хайрия жамғармаси "МИСиС" Миллий тадқиқот технологиялар университети манзилли капитали (эндаумент-фонд) жамғармасига 100 млн рубль миқдорида маблағ йўналтирмоқда", - дея таъкидлаб ўтишган матбуот хизматидан. Натижада жамғарма капиталининг умумий миқдори 230 млн рублга қадар ошади, бу унга капитал ҳажми бўйича Россия ОТМлари эндаументлари топ-10лигига кириш имконини, "Санъат, илм-фан ва спорт" жамғармасига эса – маҳаллий эндаументлар тарихида энг йирик хайриячига айланиш имконини берди, дея қўшимча қилиб ўтишган ОТМдан.
"Таълим ва илмий тадқиқотлар сифати – мамлакатнинг буюк келажаги кафолати, - дея маълум қилди Алишер Усмонов. – Шунинг учун илмий-таълим лойиҳалари, айниқса менга тоғ-металлургия каби жуда яқин бўлган соҳа катта аҳамиятга эга. Мен мамлакатнинг энг яхши техник ОТМларидан бири бўлган "МИСиС"ни ривожлантириш бўйича катта режаларни қўллаб-қувватлашга тайёрман, ҳамда университет эндаументига йўналтирилган маблағларни Россия илм-фани ва таълимининг глобал рақобатбардошлигини оширишга киритилган сармоялар сифатида кўраман".
