Америкалик дипломат АҚШ Ал-Қудс бўйича қарори сабабли яккаланиб қолганини айтди

Фото: Eduardo Munoz Alvarez

АҚШ Исроил ва Фаластин муносабатларига “муваффақиятсиз” аралашувдан кейин Яқин Шарқ масалалари бўйича яккаланиб қолди. Бу ҳақда америкалик дипломат ва АҚШнинг Саудия Арабистонидаги собиқ элчиси Час Фриман айтиб ўтди.

“АҚШ Яқин Шарқ масалалари бўйича яккаланиб қолди. Самарасиз “тинчлик жараёни бунда ўз ролини ўйнади”, деб айтган Фриман. Унинг айтишича, Ал-Қудснинг Исроил пойтахти деб тан олиниши “АҚШнинг Исроилга ён босувчи кўп йиллик тарихининг” авж нуқтаси бўлди.

“БМТдаги овоз бериш халқаро ҳамжамият борлигини ва АҚШ эмас, айнан бу ташкилот халқаро қонунларни ўрнатиши ҳақидаги эслатмадир”, деб айтган Фриман.

Аввалроқ БМТ Бош ассамблеяси кўпчилик овоз билан АҚШнинг Ал-Қудсни Исроил пойтахти деб тан олиш қарорини тан олмаслик ҳақидаги резолюцияни қабул қилди.

#АҚШ #Яқин Шарқ #Ал-Қудс

6 декабрь куни АҚШ президенти Дональд Трамп Қуддуснинг Исроил пойтахти деб тан олди. У АҚШ Давлат департаментига Тель-Авивдаги элчихонани Қуддусга кўчиришга тайёргарлик кўришни бошлаш вазифасини топширди.