«Шимолий Кореядан ядровий НУЖ» - Маск SpaceX ракетасига таъриф берди

SpaceX асосчиси Илон Маск ўз компанияси ракетасини ҳазил аралаш «Шимолий Кореядан ядровий НУЖ» деб атади. Бу ҳақда у твиттерда ёзган.

Маск твиттердаги ёзувига SpaceX ракетасининг учирилиши тасвирланган видеоёзувни ҳам қўшиб қўйди.

«Шимолий Кореядан ядровий ўзга сайёралик НУЖ», - дея ёзган Маск видеоролик изоҳида.

Бундан аввал фойдаланувчилардан бири Маскка осмондаги ёрқин ракета ўзга сайёраликлар ҳақида яна ўйлашга чорлагани учун миннатдорчилик билдирганди. SpaceX асосчиси эса фойдаланувчига «бу аниқ ўзга сайёраликлар бўлгани» билан жавоб қайтарди.

Аввалроқ Калифорнияда Falcon 9 ракета-ташувчиси бортида 10 та Iridium алоқа йўлдоши билан бирга коинотга учирилгани хабар қилинганди.