Фото: Бухорода “Армия ва ёшлар” фестивали

Фото: Мудофаа вазирлиги матбуот хизмати

Жорий йилнинг 25 декабрь куни Бухоро шаҳрида аҳоли ва ёшлар иштирокида “Армия ва ёшлар” номли фестиваль ўтказилди. Бу ҳақда KUN.UZ’га Мудофаа вазирлиги матбуот хизмати хабар берди.

“Миллий армиямиз – ёшларнинг мардлик, матонат ва жасорат мактабидир” шиори остида ташкил этилган фестивалда беш мингга яқин ёшларга ҳарбий техника ва қуроллар кўргазмаси, ҳарбийларнинг кўргазмали чиқишлари намойиш этилиб, Бухоро АРК мажмуасидан Боқий Бухоро монументигача бўлган масофада югуриш марафони уюштирилди. Шунингдек, фестивалда Ўзбекистон мудофаасига кўмаклашувчи “Ватанпарвар” ташкилоти вилоят кенгашининг ўқув-спорт техника клублари ҳамда Фавқулодда вазиятлар вазирлигининг вилоят бошқармаси томонидан техник имкониятлар намойиш этилди.

Марафонда ғолиб чиққан ҳарбий хизматчилар ва ёшлар Бухоро вилояти ҳокимлиги ва Жануби-ғарбий махсус ҳарбий округ қўшинлари қўмондонлиги томонидан диплом ва қимматбаҳо совғалар билан тақдирланди.