Россия армиясининг Сурияда 2018 йилдаги асосий вазифаси айтилди

Россия Қуролли кучлари Бош штаби раҳбари, армия генерали Валерий Герасимов kp.ru’га берган интервьюсида Россия армиясининг Сурияда 2018 йилдаги асосий вазифасини маълум қилди.

«Ҳарбий йўналиш бўйича - «Жабҳат ан-Нусра» жангарилари ва уларга яқин бўлганларни йўқ қилиш. Бу террорчилик ташкилоти жангариларининг бир қисми кескинликдан холи ҳудудларда қолмоқда», - дея маълум қилди Герасимов.

Унинг таъкидлашича, Сурияда бир-биридан фарқ қилувчи кўплаб гуруҳлар бор.

«Баъзилари жанговар ҳаракатларни тўхтатиш режимини қўллаб-қувватламоқда. «Жабҳат ан-Нусра» - бунга қатъий қарши. Демак, уларни йўқ қилишга тўғри келади», - дея таъкидлаб ўтди Герасимов.

Шу билан бирга, Бош штаб бошлиғи иккинчи вазифа сифатида «масалага ҳарбий йўл билан ечим топишни сиёсий томонга ўзгартириш»ни келтирган.