Туркия армияси оширилган жанговар тайёргарлик ҳолатига келтирилди

Туркия Бош штаби Сурия билан чегарадаги қўшинларни оширилган жанговар тайёргарлик ҳолатига келтириш ҳақида топшириқ берди. Бу ҳақда Anadolu хабар қилмоқда.

Хабарларга кўра, Сурия билан чегарага зирҳли техника етиб келган.

Эслатиб ўтамиз, аввалроқ Туркия президенти Ражаб Тоййиб Эрдўған мамлакат минтақадаги террорчиларни тезда йўқ қилиши ва буни Суриянинг Африн ҳамда Манбиж туманларидан бошлаши ҳақида маълум қилганди. Хусусан, чегараолдидаги Ғазиантеп вилоятидаги 15 та ҳарбий автомобилдан иборат колонна юборилди. Техника ва ҳарбий хизматчилар Туркиянинг турли ҳарбий қисмларидан чегарага олиб ўтилмоқда.