Апрелга қадар Сурхондарёга қўшимча 62 минг дона суюлтирилган газ баллони етказиб берилади

2018 йил биринчи чорагида Сурхондарё вилоятида яшовчи аҳолига 62 минг дона суюлтирилган газ баллонлари етказилиши маълум қилинди. Бу ҳақда Kun.uz мухбири хабар беради.

Маълум қилинишича, аҳоли турмуш даражаси ва табиий газ истеъмолига бўлган юқори талабни инобатга олиб, жорий йилда Сурхондарё вилоятини 62 минг дона қўшимча суюлтирилган газ баллонлари билан таъминлаш режалаштирилганди. Шунга қарамай, ушбу вазифани 2018 йил биринчи чорагида якунлаш ҳақида топшириқ берилган.

Эслатиб ўтамиз, бундан аввал, вилоятнинг Шеробод туманида яшовчи аҳоли газ баллон етишмаслиги ва ўз вақтида кўрсатилмаётган хизматдан азият чекиши ҳақида мақола эълон қилинганди.