АҚШда сотувчилари бўлмаган дунёдаги илк “ақлли” дўкон очилмоқда

22 январда америкаликлар дунёдаги илк “ақлли” дўконга ташриф буюришлари мумкин бўлади. Касса ва сотувчилари бўлмаган илк супермаркет Сиэтлда Amazon компанияси томондан очилмоқда. Ушбу лойиҳа бир йил давомида синовдан ўтказилган. 

Amazon Go номли бу дўконга кириш учун смартфондаги дастурни юклаб, экранда пайдо бўлган QR-кодни дўконга киришдаги турникетга қўйиш талаб этилади. Харидор  пештахталардан оладиган ва қайтиб қўядиган маҳсулотлар камералар ва махсус датчиклар томондан қайд қилинади. Харид учун пул дўкондан чиқишда Amazon аккаунтига бириктирилган банк картасидан автоматик тарзда ечиб олинади.