Пентагон Туркияни Сурияда «вазминликка» чақирди

Фото: Reuters

Америка Қўшма Штатлари мудофаа маҳкамаси раҳбари Жеймс Мэттис Туркияни Сурияда «вазминликка» чақирди. Бу ҳақда AFP хабар тарқатди.

«АҚШ мудофаа вазири Мэттис Туркияни Сурияда «вазминликка» чақиради», - деб ёзмоқда агентлик.

Аввалроқ, Оқ уй расмий вакили Сара Сандерс ҳам Анқарани Сурияда вазминликка чақирганди.

20 январь куни аввалига Туркия президенти Ражаб Тоййиб Эрдўған Сурия шимолида ҳарбий амалиёт бошланиб бўлганини маълум қилди. Кўп ўтмасдан Туркия бош штаби Афринда «Зайтун новдаси» номли ҳарбий амалиёт бошланганини эълон қилди. Туркия ҳарбийлари баёнотида бу амалиёт «Сурия яхлитлигини ҳурмат қилган ҳолда» олиб борилиши маълум қилинган.