Видео: Хитойда бир кечанинг ўзида темир йўл ўтказгичи қурилди

Хитойда ишчилар тўққиз соат ичида мамлакат жанубида жойлашган Луньянь шаҳридаги Наньлун янги вокзали учун темир йўл ўтказгичини қуриб битказишди. Бу ҳақда Daily Mail хабар тарқатган.

Қурилишда 1,5 минг киши иштирок этди. Хусусан, улар учта йирик йўналишни янги линия билан улашган. Ҳаммаси бўлиб 23 та экскватор жалб этилди.

Нашр маълумотларига кўра, улар нафақат йўлни қуриб битказишган, балки фойдаланишга топшириш учун бутунлай тайёр қилиб беришган: унинг четларида светофорлар ҳамда ҳаракат мониторинги учун воситалар ўрнатилди. Таъкидланишича, ишчилар етти бригадага бўлинган ва бир вақтнинг ўзида турли вазифаларни бажарган.