Қирғизистон мактабларида совуқ сабабли таътил эълон қилинди

Фото: 24.kg

Қирғизистон таълим ва фан вазири Гульмира Кудайбердиеванинг Қирғизистон фавқулодда вазиятлар вазирлигининг ҳаво ҳарорати кескин пасайиши ҳақидаги расмий огоҳлантиришига асосланиб, болаларнинг соғлиғини сақлаш мақсадида чиқарган буйруғига кўра мамлакатдаги барча мактабларда 26 январдан 30 январгача таълим жараёни тўхтатилади.

Маълум қилинишича, 5 кунлик мактабларда 26, 29 ва 30 январь, 6 кунлик мактабларда эса 26, 27, 29 ва 30 январь дам олиш кунлари бўлади.

Вазирликда таъкидланишича, қолиб кетган дарслар 5 кунлик мактаблар учун шанба куни, 6 кунлик мактаблар учун эса баҳорги таътиллар ҳисобидан тўлғазилади.