АҚШ президенти Дональд Трампнинг кортежидаги автомобиллардан бири Давосда полициячини уриб кетди. Бу ҳақда Blick нашри хабар тарқатди.
Таъкидланишича, полициячи Трамп кортежидаги машинани тўхтатмоқчи бўлган, бироқ ҳайдовчи газ тепкисини босган.
Ҳодиса Intercontinental меҳмонхонаси олдида юз бергани айтилади. Йўлнинг қатнов қисмида навбатчилик олиб бораётган полициячи кортеж олдида кетаётган оқ BMW’ни тўхтатишга уринган, бироқ ҳайдовчи полициячини четлаб ўтишга уриниб, уни уриб кетган. Кейинчалик бир нечта қора йўлтанламаслар ҳаракатланган, улардан бирида АҚШ президенти бўлган, дея таъкидлайди нашр.
Полиция ходими четга чиқишга улгурган, шунинг учун жиддий жароҳатлар олмади.
Нашрнинг таъкидлашича, эҳтимол, полициячи машина Трамп кортежига ҳамроҳлик қилганини билмаган бўлиши мумкин.
