«Реал» ҳужумчиси Криштиану Роналду мавсум охирида клубни тарк этиши ҳақидаги миш-мишларни инкор қилди.

Фото: Twitter/@realmadrid

Аввалроқ, португалияликнинг «Манчестер Юнайтед» ёки «ПСЖ» клубларига ўтиши ҳақида хабарлар тарқалган эди. Шунингдек, клуб президенти Флорентино Перес Роналдуга маошини оширишни ваъда бергани, аммо сўзининг устидан чиқмагани айтилган эди.

«Албатта, «Реал»да қолишни истайман. Мадридда 2009 йилдан буён яшаяпман, менга бу ернинг об-ҳавоси, одамлари ёқади. Португалияга ҳам яқин, ҳатто у ерга машинада бориш мумкин.

Испания – ажойиб мамлакат, уни ва «Реал»ни яхши кўраман», – деб Роналду сўзларини келтирмоқда Dongqiudi.