Асакада 20 ёшли йигит одам ўлдирди

Андижон вилоятининг Асака туманида қотиллик юз берди. Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар қилмоқда.

Қайд этилишича, 31 январь куни соат 16:30 ларда Асака тумани Пушмон кўчасида яшовчи, 1998 йилда туғилган  Л.А. Камолот МФЙ Марғилоний кўчасида жойлашган 51-сонли умумий уй ҳовлисида ўзаро жанжал оқибатида шу ҳовлининг 1-хонасида яшовчи, 1989 йилда туғилган Р.Ў.нинг кўкрак қисмига пичоқ билан уриб жароҳат етказган.

Натижада Р.Ў. касалхонага ётқизилган ва кўрсатилган тиббий муолажаларга қарамай вафот этган.  Л.А. қўлга олинган.