Украина собиқ мудофаа вазири мамлакат нега НАТОга кирмаганини айтди

Фото: Mikhail Palinchak/Reuters

Украина собиқ мудофаа вазири Анатолий Гриценко NewsOne телеканали эфирида мамлакат нега ҳали ҳам НАТОга кирмаганини тушунтириб берди.

«НАТОга кириш учун оддий сўзлар билан имтиҳон топшириш керак. Бу имтиҳон асосан фуқаролик масалалари бўйича. Бу масалалар ҳаққоний адлия, нормал сайловлар, бюджет молиялари шаффофлиги, коррупцияга қарши кураш ва бошқаларга тегишли. Биз бу фуқаролик нарсаларнинг барчаси бўйича ортда қолмоқдамиз», - дея айтиб ўтди Гриценко.

Унинг сўзларига кўра, агарда киришга тайёрликни армия параметрлари бўйича баҳолашганда, Украина аллақачон Альянсга кирган бўларди.

#Украина #НАТО