АҚШда кучли қор ёғиши туфайли 1,5 мингга яқин авиарейс бекор қилинди

Фото: Usatoday

9 февралда АҚШда мураккаб об-ҳаво шароити туфайли Детройт ва Чикаго аэропортларида 1,5 мингга яқин авиарейс бекор қилинди. Бу ҳақда USA Today нашри маълум қилди. Яна шунча рейс ушлаб қолинган.

Кучли қор Чикагодаги О'Хара ва Мидуэй ҳамда Детройтдаги Метрополитан Уэйн халқаро аэропортлари фаолиятини издан чиқарган.

Авиакомпаниялар тегишли тўловларсиз чипталарни бошқа санага бронлашга рухсат беришган.

Чикаго ва Детройтда мактаблар ёпилган, ўқувчиларга кўчага чиқмаслик айтилган.

Об-ҳаво мутахассисларининг прогнозига кўра, бу икки шаҳарда 20 смдан кўпроқ қор ёғиши мумкин.