Флоридалик «мерган»га айблов қўйилди

Флоридадаги мактабда отишма содир этган 19 ёшли шахсга 17 кишини қасддан ўлдирганлик бўйича айблов қўйилди. Бу ҳақда Броуард округи шерифи сайтида хабар берилган.

Отишма Майамидан 60 километр шимолда жойлашган шаҳарчадаги мактабда чоршанба куни юз берди. Шериф Скотт Исраэлнинг маълумотларига кўра, ҳодиса оқибатида 17 киши ҳалок бўлди. Гувоҳларнинг айтишича, мактабдаги машғулотлар якунланишига тахминан ўн дақиқа қолганида ёнғин сигнализацияси ишга тушган, сўнг ўқ товушлари эшитилган.

ОАВ маълумотларига кўра, ўқ узган шахс ўқувчилар орасига ўзини уришга уринганида қўлга олинган. Шериф гумонланувчи қўлга олинганини тасдиқлади, у ушбу мактабнинг собиқ ўқувчиси, 1999 йилда туғилган Николас Круздир.

Ушбу шахс мактабдан тартиб-интизоми билан боғлиқ муаммолар туфайли четлатилган. АҚШ президенти Дональд Трамп рўй берган отишма туфайли ўқувчиларнинг барча ғалати хатти-ҳаракати ҳақида дарҳол хабар беришга чақирган.