Ўзбекистон Республикаси Президентининг 2018 йил 19 февралдаги ПҚ-3547-сон қарорига мувофиқ Бекенов Суннатилла Ўзбекистон Республикаси Инвестициялар бўйича давлат қўмитаси раисининг биринчи ўринбосари лавозимига тайинланди. Шу муносабат билан у Ўзбекистон Республикаси Иқтисодиёт вазирининг йиғма инвестиция дастурлари ва ҳудудларни комплекс ривожлантириш масалалари бўйича биринчи ўринбосари лавозимидан озод этилди.
Шунингдек, Ўзбекистон Республикаси Президентининг 2018 йил 19 февралдаги ПҚ-3548-сон қарорига мувофиқ Шуҳрат Вафоев Ўзбекистон Республикаси Инвестициялар бўйича давлат қўмитаси раисининг ўринбосари лавозимига тайинланди ва унга Ўзбекистон Республикаси Тикланиш ва тараққиёт жамғармасининг ижро этувчи директори вазифасини бажариш юклатилди.
Президент қарорига мувофиқ Лазиз Қудратов Инвестициялар бўйича давлат қўмитаси раисининг ўринбосари лавозимига тайинланди, шу муносабат билан Ўзбекистон Республикаси Инвестициялар бўйича давлат қўмитаси раисининг биринчи ўринбосари лавозимидан озод этилди.
