Ақтўбеда автобус иштирокида ЙТҲ, Ўзбекистон фуқаролари жабрланди

Скриншот: Видео

Қозоғистоннинг Ақтўбе областидаги Самара-Чимкент автомобиль йўлида микроавтобус ағдарилиб кетди, дея хабар қилишган вилоят ички ишлар департаменти матбуот хизматидан.

«Йўл-транспорт ҳодисаси оқибатида етти йўловчи – Ўзбекистон Республикаси фуқаролари турли тан жароҳатлари билан Хромтау шаҳри марказий туман шифохонасига олиб кетилди. Автобус салонида 25 йўловчи бўлган», - дея хабарни келтиради РИА Новости.

Рўй берган ҳодиса юзасидан «Транспорт воситасини бошқарувчи шахс томонидан йўл ҳаракати ёки транспорт воситаларидан фойдаланиш қоидаларининг бузилиши» моддаси билан судга қадар суриштирув қўзғатилди.