АҚШ самолёти экипажи ҳавода музлаб, кўзи кўрмай қолди

Фото: MC3 Jake Cannady/Navy

АҚШ ҳарбий-денгиз кучларининг EA-18G Growler самолёти экипажи парвоз вақтида кучли даражада музлаб қолди ҳамда парвоз вақтида осмонни кўриш имкониятидан маҳрум бўлди. Бу ҳақда Defense News ёзмоқда.

Ҳодиса кабинада ҳароратни тартибга солиш тизими ишдан чиққани туфайли юз берди. Ҳарорат Цельсий бўйича 30 даража совуққача тушиб кетган, кабина тутунга тўлиб кетди, ускуналарни муз қоплаган.

Шу пайтда самолёт Сиэтлдан 90 километр узоқликда 7,5 километрлик баландликда бўлган.

Экипаж қўниш жойига парвозни бекор қилди ҳамда Уидби-Айлендаги базага қайтиб кетган.