Ferrari’нинг энг ғалати модели сотувга қўйилди
Sotheby’s аукцион уйи ноёб автомобил – Bernd Michalak Design Studio немис дизайн-студияси томонидан яратилган Ferrari 328 GTS Conciso концепт-карини сотувга қўйди. Ягона нусхада мавжуд бўлган машинанинг нархи ҳозирча маълум қилинмаяпти.
Спорткар 1989 йилги намунадаги Ferrari 328 GTS шассисида қурилган. Машина бўялмаган пластикдан кенг олд қанотлари ва ички ўрнатилган фарали “баркетта” кузовга эга. Машинанинг эшиклари ва томи йўқ, салонида эса иккита шлемни сақлаш учун махсус бўлмалар бор.
Концепт 3,2 литрли, 8 цилиндрли, 274 от кучига эга двигател ва 5 поғонали механик узатмалар қутиси билан жиҳозланган. Стандарт кузовдан 30 фоизга енгилроқ бўлган янги кузов ҳисобига машина 100 км/соат тезликка 5 сонияда эриша олади. Серияли Ferrari 328 GTS’га бунинг учун 6,4 сония талаб этилади. Концепт-карнинг максимал тезлиги 278 км/соатни ташкил қилади.
328 GTS’нинг илк оммавий намойиши 1993 йил Франкфуртдаги автошоуда бўлиб ўтган.
Мавзуга оид
12:55 / 03.08.2024
Дунёга машҳур Ferrari – пойгачи ташкил этган компания қандай ривожланганди?
23:27 / 14.11.2023
Ноёб Ferrari аукционда 52 миллион долларга сотилди
12:34 / 06.12.2021
«Биз жиноятчига Lacetti’да етиб ололмаймиз» — Шерзодхон Қудратхўжа Ички ишларга Ferrari’лар олиб бериш кераклигини айтди
22:50 / 05.01.2021